لا والنبي يا عبده

الاشياء الصغيرة تداعبني بتلك النظرات المغرية لانها تعرف كم اعشقها

بداية غير موفقة ككل البدايات التي اكون مستعدا بها للكتابة عن شي "شديد الاهمية " ككل الاشياء التي احاول ان اتكلم عنها ،لاتحول الي كائن يحاول الكتابة كما يرسم كل ما يبتدي يرسم يمسح او يقطع الورقة ويبتدي يرسم من

جديد

كاني مثلا مستني حد يشتري الي برسمه قصدي الي بكتبه
قبل ما ابتدي اكتب كنت بفكر في الحاجات الي بتيجي علي بالي وببقي عامل حسابي اني حكتب عنها في يوم من الايام
الفكرة ببساطة اني بقيت عايز اكتب من ناحية عن نفسي وبس
اناني مش كدة

ومن ناحية تانية عايز اكتب عن كل الي بيدور حوليا ومليش علاقة بيه او ليا علاقة بس مش اقوي

لم تكن الايام تمهل احد ان يبحث عن ما يريده
بداية تانية منيلة بستين نيلة

خلاص الواحد راحت عليه-علي اساس اني كنت نجيب محفوظ

مش عارف بجد الايام الاخيرة في حياتي او ممكن اقول الاشهر الاخيرة كانت غريبة بكل المقاييس يعني كل حاجة بقت بتغيير بسرعة مش زي زمان لما كنا بنسمع عن الحاجة وتحصل بعديها بسنة بس دايما الحاجات الي بتحصل الايام دا بسرعة هي الحاجات المنيلة مش الحاجات الكويسة

حياتي بقت عاملة زي البلد بفكر اخصخصها وابعها يمكن تجيب فلوس واهي بردة لما الناس تبقي دافعه فلوس حيعرفوا يحفظوا عليها ويديروها كويس وممكن بردة استعين بخبرة اجانب بس المصاريف حتبقي كتير

مش عارف اي الي عمال اقوله دا

هيست كتير انا النهاردة
المهم اني قعدت وكتبت

كفــــاية نـــكد بقي

Out of service

اسف لاني بقالي فترة مش بكتب ولا برد علي التعليقات

اسف لكل الي حاول يوصلي ومعرفش

وشكرا لكل الناس الي سالت عليا

راجع ان شاء الله قريب

بس اعذروني لاني مش عارف لحد دلوقتي اقعد واكتب زي الاول

ادعولي

صامتاً اتكلم

اجلس لاحاول ان اصف ما امر به واعجز عن كتابته منذ فترة ولكنى قررت اخيرا ودون سابق انذار ان اكتب لعلى استطيع ان اخرج ما بداخلى
لا اعرف ماذا اريد فى تلك الفترة فلم يصبح لدى الوقت الكافى لاقرر او اتخذ قرار موضوعيا فيما اريده فما كنت اتكلم عنه واصفه لمن اعرفهم ان لا يتركون نفسهم لايامهم اصبح يرتد على الان بشكل عكسى اعجز معه ان اتحكم او ان افكر فيما يجب ان يكون او لا يكون ، كل ما افعله ان اختلس بعض الوقت لاستمع الى اغنية احبها او اتكلم مع انسانة اشتاق اليها او امارس هوايتى المفضلة فى التمشية والفرجة على الدنيا
لم تعد حياتى كما كانت ولن تعد ،الان كل ما استطيع فعله او قوله هو اننى احاول على الاقل ان اظل كما انا ولا يحدث ما يغيرنى دون ان اشعر
كنت قد وصلت الى مرحلة من المراحل ظننت اننى قد قطعت اكثر من نصف الطريق لمعرفة كيفية التعامل مع تلك الحياة لاجد اننى قد قطعت حقا اكثر من نصف الطريق ولكن فقط لاصل الى الحياة الحقيقية وليست تلك القشور التى كنت انظر اليها على انها الحياة
ان تستمتع بشئ لا ياتى من ان تفعله كل يوم ، قاعدة هامة بدات فى معرفتها عندما اصبحت احس بكل شى وقيمته بشكل فعلى ومحسوس وليس فقط كلاما على ورق
حقا لا تعرف قيمة الشى الا عندما تفقده
لعلى ساتمسك بعض الوقت بتلك المتعة فى احساسى بالاشياء بذلك الشكل الجديد حتى اعرف او يتسنى لى الوقت لاعرف اى طريقأ اسلك

حياة كما يجب لها الا تكون

الاختيار

تقريبا كل حاجة فى حياتنا بتخضع للاختيار حتى فى حزننا او فرحنا طبعا فى ناس بتقول ان الموضوع بيبقى خارج عن اياردتهم يعنى لو حد مات لازم الواحد يبقى حزين ملهاش دعوة بقى بالاختيار
بس لو رجعنا شوية للكلام حنلاقى اننا قولنا ان الطبيعى ان الواحد يبقى حزين او لازم يبقى حزين فى الحالة دى بس دا بيخضع لمشاعرنا واختيارنا اذا كان الشخص دا عزيز او ميبهمناش فى حاجة واهو خبر وحش وخلاص
يعنى اختيار ورغبة مننا فى الاساس
فى المناسبة السعيدة نفرح وفى الحاجة الوحشة نزعل ونحزن
ودا بيرجعنا ان فى الاساس هى الحياة الى بتمشى الظروف الى بتحصلنا
اه اهنا بنحاول نختار ونعمل الى نفسنا فى والى بنبقى عايزن حياتنا تبقى على شكل وطريقة معينة
بس بردة بترجع بشكل اختيار جبرى لو صح التعبير
زى الى اتكلمنا عنا فوق


بس المشكلة ان الواحد مبقاش عارف يعمل حاجة حتى ان انا شخصيا مبقتش فاهم هو المفروض مين الى يمشى مين
يعنى الحياة هى الى تمشينا ونرضى عشان منبقاش بنتنمرد على حياتنا
ولا يبقى الرضى مع السعى للافضل زى ما بيقولوا عشان بردة نلاقى ان الموضوع بقى اختيار متوضب من الاساس لينا
حاجات كتير بتحصل للواحد مبيبقاش عارف هو المفروض يبقى ازاى ساعتها حتى لو كان عارف ان دا ممكن يحصل او كان عنده فكره قبليها

يعنى لو الواحد حب يحط معايير قياسية لحياة الشخص
يقدر يعمل كاتلوج ويمشى الناس عليه عشان يبقى المعايير مظبوته
ولا الحياة كدة ملهاش تعريف محدد فى الاصل لطريقة العيش عشان نقدر نقول ان دى الحياة كما ينبغى لها ان تكون
او حياة كما ينبغى لها الا تكون.

اى الكلام الى انا بقوله دا ويا ترى حد فهمنى ولا لا مش حفكر كتير المهم انى كنت عايز اكتب وكتبت وربنا معانا جميعاً