Monday, May 26, 2008

هل احـــبــــــــــــت؟


هل احبــــت حقاً؟

سؤال تساله لنفسها بعد عدة تجارب انتهت جميعها بالفشل
تتذكرهم جميعا وتلح عليها واحدة بعينيها
ولكن من قال ان التذكر يعنى الحب

يقولون لها ان الحب مرة واحدة فى الحياة

تتسال من وضع هذا القانون؟

تقابل من جديد من تحاول ان تجعله حبيبها

تجعله؟

انحن من نقول ان هذا الشخص بعينه هو حبيبنا

ام الايام هى ما تجعله حبيبك

تقرر ان تبتعد

وتترك نفسها كما قالوا لها ان الحب سياتى وحده

اهذا انتظار؟

وكيف تعرف انه هو الحب

يقولون لها انها ستشعر انه الحب

تقابل الكثير ومعظمهم يريدونها حبيبه

ترفض وتتمسك ان الحب ستشعر به

وهي لا تشعر الا بانهم كالبقية

يقولون لها ان تعطى لنفسها الفرصة لتحب

تعطى لنفسها الفرصة
لتجد انها تدخل فى علاقة جديدة وهي لا تعرف

هل تركب مشاعرها عليه؟
ام انه فعلا هو حبيبها المنتظر

تمر الايام ويحدث كما كان يحدث دائما

وتقرر ان تتوقف عن السمع لما يقولون

وتقرر ان تضع القوانين الخاصة بها

وتعود من جديد

لتتسال هل احبت حقا؟

Monday, May 12, 2008

لا والنبي يا عبده



الاشياء الصغيرة تداعبني بتلك النظرات المغرية لانها تعرف كم اعشقها

بداية غير موفقة ككل البدايات التي اكون مستعدا بها للكتابة عن شي "شديد الاهمية " ككل الاشياء التي احاول ان اتكلم عنها ،لاتحول الي كائن يحاول الكتابة كما يرسم كل ما يبتدي يرسم يمسح او يقطع الورقة ويبتدي يرسم من
جديد
كاني مثلا مستني حد يشتري الي برسمه قصدي الي بكتبه
قبل ما ابتدي اكتب كنت بفكر في الحاجات الي بتيجي علي بالي وببقي عامل حسابي اني حكتب عنها في يوم من الايام
الفكرة ببساطة اني بقيت عايز اكتب من ناحية عن نفسي وبس
اناني مش كدة

ومن ناحية تانية عايز اكتب عن كل الي بيدور حوليا ومليش علاقة بيه او ليا علاقة بس مش اقوي

لم تكن الايام تمهل احد ان يبحث عن ما يريده
بداية تانية منيلة بستين نيلة

خلاص الواحد راحت عليه-علي اساس اني كنت نجيب محفوظ

مش عارف بجد الايام الاخيرة في حياتي او ممكن اقول الاشهر الاخيرة كانت غريبة بكل المقاييس يعني كل حاجة بقت بتغيير بسرعة مش زي زمان لما كنا بنسمع عن الحاجة وتحصل بعديها بسنة بس دايما الحاجات الي بتحصل الايام دا بسرعة هي الحاجات المنيلة مش الحاجات الكويسة

حياتي بقت عاملة زي البلد بفكر اخصخصها وابعها يمكن تجيب فلوس واهي بردة لما الناس تبقي دافعه فلوس حيعرفوا يحفظوا عليها ويديروها كويس وممكن بردة استعين بخبرة اجانب بس المصاريف حتبقي كتير

مش عارف اي الي عمال اقوله دا

هيست كتير انا النهاردة
المهم اني قعدت وكتبت

كفــــاية نـــكد بقي