نبدا الحياة مقفولين الايدى
مغمضن العينين
نحتاج الى من يساعدنا
يخلق الله الانسان نقياً
لا يرغب فى شى
لا يعرف شى
لتبدأ الحياة معه لعبتها
تبدأ فى تلويثه
يلعب فيجرح لتترك على جسده اثارها
يحب فيلسعه الحب بالف سوط ليقطعه من داخله
يفكر فيفشل وتتولاه الحياة بصفعاتها الدائمة
هل تعرفون معنى النقاء
هل تعرفون معنى ان يتمنى الانسان ان يعود نقياً
لم يحب...لم يكره....لم يعرف معنى الجشع او الكدب او الخيانة
يعود بمشاعره البكر كما خلقه الله
هل تعرفون تلك النظرة التى تكون فى عين الطفل
هل كنا نتمتع بالنقاء لاننا كنا صغار
ام اننا كنا صغار لاننا كنا نتمتع بالنقاء؟
يظل الانسان يتمنى ان يصبح كبيراً طول فترة طفولته
ليكبر ويبدأ فى التمنى ان يعود طفلاُ
عندما تتحول الطيبة الى نقمة
عندما تكون الخديعة هى الاساس
عندما يصبح الكدب هو الاصل
عندما يكون الحب وسيلة وليس غاية
عندما يفرق البشر بين انفسهم ولم يفرق الله بينهم
عندما وعندما ..........
فاهلا بكم فى الحياة
28 comments:
صدقت والله يا حسام
الطفولة البريئة نرفضها ونتمنى أن نكبر
ونكبر لنجد الحياة كلها خداع وغش وكذب
لكن لا نستطيع ابدا أن نعود الى الوراء
فعجلة الزمن تدور للأمام ولا تعود ابدا للخلف
بس تعرف
احنا نقدر نهذب نفسنا ونقدر على قد ما نقدر اننا نهذب اللى حوالينا ونعلمهم ازاى يحتفظوا بشىء جميل جواهم
احنا لينا دور
مش لازم نستسلم
الحب وسيلة كويسة قوى عشان نعلم ونتعلم .. حب الناس .. الحب دة بيخلينا نرقى .. نسمو
والدنيا هيفضل فيها الخير وفيها الشر واحنا اللى بنختار طريقنا
أهم حاجة .. أهم حاجة تانى
اننا مانظلمش حد ولا نجرح حد
اعتقد وما زلت وسأظل أعتقد أن أكبر خطايا الإنسان فى كل العصور وفى كل الأماكن والأزمان أن يظلم غيره سواء فى شىء مادى أو فى شعور واحساس
تصفيق حاد يا حسام على كلام طالع من قلبك وحسيته ولمسته
مبسووووووووووووووووووطة ان كان لية شرف أول تعليق عندك
قد اية النقاء بكل احاسيسة كان جميل
بقف فى حالة تامل لما بشوف عيون طفل
والبراءة مرسوة جواها
قد اية جميل
عارف كلامك مش عارف لية بيفكرنى
باغنية هشام عباس
زمان وانا صغير كنت بحلم ابقى كبير
المشكله اننا طول ماحنا اطفال كنا حسين ان العمر هو الى واقف فى طريق
احلمنا
الزمان قايض معنا او بينا
خد مننا حجات علشان يدينا بدلها
بس الى خدنا منه على مر رحلتنا فيه
ميسويش الى ضاع
احنا بنفقد حجات كتير كانت حلوه فينا غصب عنا
مش احنا الى بنختار رحيلها
فعلشان كده
عمرنا ما هنعرف نرجعها تاني
تحياتي يافندم
ياسمين
بالفعل ان اكبر خطيئة ممكن ان يرتكبها الانسان هى الظلمً فكل الخطايا التى يرتكبها الانسان فى الاصل هى ظلم لنفسه قبل ان يظلم احد
تحياتى لك وانا بالفعل الى فخور انك كنتى اول تعليق لدى
مش فاهم حاجة
بجد يا عبدو انا اكتر حاجة بستمتع بيها انى اكون بلعب مع طفل صغير بحس فعلا انى انسان
بحب على فكرة الاغنية دى اوى
محض روح
عجبنى كلامك اوى عن ان الزمن فعلا بياخد مننا حاجات عشان يدينا حاجات تانية
بس مش عارف ليه دايما فعلا بنيقى بنبدل الحاجة الكويسة بالحاجة الوحشة
للاسف الحقيقة اننا عمرنا ما حنعرف نرجع الحاجات الى ضاعت مننا بس على الاقل نحاول نوجد لانفسنا اشياء تعوضنا
شكرا ليكى يا افندم
مفيش أحلي و لا أجمل من أيام الطفوله ببساطتها و نقائها
أحييك بشده علي البوست الجميل ده يا حسام
حسام العزيز
ولقد خلقنا الانسان فى احسن تقويم ثم رددناه اسفل ساقلين الا الذين امنوا وعملوا الصالحات فلهم اجر ممنون فما يكذبك بعد بالدين والله احكم الحاكمين
صدق الله العظيم
Thanks for you work, is very good, have a good week.
The language cannot be an impediment to the of clarification so that a terrorist as Bush can continue to lie
لغة لا يمكن ان يكون عائقا امام توضيح ذلك ان الارهابي بوش ان تواصل الكذب
ميشيل
فعلا مفيش احلى من ايام الطفولة بس اهنا مبندركش دا غير بعد لاما نكون كبرنا خلاص
hosnysoliman
شكرا لتعلقيك بجد
david santos
thnx for u
Bush is realy a big terrorist
المشكلة ان واحنا صغيرين بنبقى عايزين نكبر بسرعة الولد عايز يكبر عشان يبقى قوى و.. و.. والبنت عايزة تكبر عشان تبقى زى مامتها مثلا و .. و.. واول ما نكبر وتبتدى الحياة تسرقنا بمشاكلها وصدماتها نقول ياريتنا فضلنا صغيرين .. الجزء الاخير عجبنى اكتر من الجزء الاول .. بس فى النهاية هى حلوة وده كلام كبير اوى بس هو انت متضايق من حاجة وللا ايه ؟؟؟ تحياتى
اهلا بيك انت كمان
هو فعلا يا محمد الواحد نفسه يرجع للطفوله لما كنا لسه نايمين مش واخدين بالنا ان احنا لما نكبر هنكتشف الدنيا وساعتها كنا اتمنينا ان احنا نفضل في الطفوله بس غصبن عننا بنتحول من الطفوله لمرحله النضج لغايه لما نبقى زي الناس اللي كنا بنخاف منهم وساعتها الاطفال يشوفنا زي ماشفنا الدنيا زماان وساعتها بس نصحصح ونفوق من اللي احنا فيه
bosycat
والله عادى هو مش موضوع انى مضايق بس كل الحاكية انى كل شوية لما بحس بحاجة بحب اكتب عنها ممكن بقى تكون حلوة وحشة كئيبة حسب الظروف
لا الحمد لله مفيش حاجة بس انتى عارفه بقى الحياة
توتة توتة
اهلا بينا جميعا
اتفضلى شاى
وشوشنى
فعلا بنتحول غصب عننا وبنبقى زى
الناس الى كنا بنخاف منها واهنا صغيرين
بس الواحد يحاول يحافظ على الشئ الجميل الى جواه على الاقل عشان يفضلوه حاجة كويسة
اهلا بك انت فى الحياة الواقعية
مرحبا مرحبا
علي فكره يا حسام..أنا اسمي مايكل
تحياتي لك
:)
amany
مرحبا بنا وبك وبكل الناس
اتفضلى حاجة ساقعة
مايكل
معلش كل مرة اغلط واكتب اسمك غلط ان شاء الله مش حتتكرر ومش تزعل
يااااااااه ياااااااه يا محمد
بجد لخصتها كلها في البوست دا
كتير قوي فكرت في موضوع البراءة و النقاء و الحياء و رغبتنا في ارتداد طفولتنا
بس انت لخصت كل الكنت حساه و بفكر فيه في البوست دا
اشكرك بجد
في انتظار المزيد
ايه الاحساس الرائع دا
RESALAMISR.BLOGSPOT.COM
rosa
شكرا ليكى انتى يا روزة
انا مبسوط والله ان البوست عجبك
وابقى زورينا عالطول بقى
مواطن زهقان
شكرا ليك
اخجلتم توضعنا
طب أنا أحلف بسماها وبترابها !!!(رغم إن الحلف بغير الله حرام) إني كنت رزعت تعليق هنا ؟؟؟
.
.
.
رااااح فييييين بقى يا محمد بيه ؟؟؟
Post a Comment